TRENDING

Sponsor

Tuesday, September 28, 2010

khoobsurat the din

KHOOBSURAT THE DIN DHAL GAE KAISE,
HUM TO BADLE, TUM BHI BADAL GAE KAISE,


DIL KI DHADKAN ABHI BHI BAQI HAI ,
DIL YUN LAGTA HAI JAL GAE JAISE.

Friday, September 24, 2010

Sochna wo sab mera zaya gaya

sochna wo sab mera zaya gaya,
jo pada mujhpe wo nibhaya gaya,

mod tha wo shajr-o-gul-o-sabz bar,
mujhse bhi aage aur na jaya gaya,


rokte hi rah gae hum hath ko,
maal tha faani ke bus aya gaya,


zindagi me aur bhi the marhale,
rang ulfat ka na chadhaya gaya.

Thursday, September 16, 2010

jab zami pe na rahe

shaed hum bhi ho kabhi   un shaero ki tarah,
jo pahoche to bulandi pe, jab zami pe na rahe.

wo jo taqat war the karte the duniya par fateh,
zindagi ki jang me wo ab kahi pe na rahe.

Monday, September 6, 2010

zami dekh raha hun

udte hue mai abr o zamin dekh raha hun,
bikhre hue baadal ki nami dekh raha hun,


Unchayi se kya khoob nazar aati hai duniya,
insaan ke  qamad ki kami dekh raha hun!
 
Back To Top