background img

The New Stuff

tujh ko mujh se mila gaya

mujhe zindagi ka ye falsafa, waqt is tarah se bata gaya,
ke hua wohi wo jo hona tha,mai kuchh bhi karta chala gaya.


teri baat ho, teri yaad ho, tere charche karta chala gaya,
tera zikr ke tere baad bhi goya tujh ko mujh se mila gaya.


wo raah thi ke na khatm ho,ek mai tha chalta chala gaya,
tujhe dhundne ki kya chah thi, ke mai khud ko khota chala gaya.


use log kahte the behaya, use log kahte hain bewafa,
wo jo mit gaya tere pyar me wo jo tujh pe sab kuchh luta gaya.


bade jashn the badi mehfilein, the tarah tarah ke muzahire,
mai unme khub tha mubtila,mai bhi khud ko khota chala gaya,


kahan wo ghalat tha mai sahi, kahan mai galat tha wo sahi,
is baat se ab kya faeda, wojo tera tha wo chala gaya.


na tu saif usko yaad kar, na ab uske gham ke diye jala,
wo khwab tha ek khush numa jo tarikiyo me chala gaya

7 comments:

daanish said...

mujhe zindagi ka ye falsafa,
waqt is tarah se bata gaya,
ke hua wohi wo jo hona tha,
mai kuchh bhi karta chala gaya

gazal ka ye shaandaar matlaa
gazal ke mizaaj se vaaqif karvaa
paane mei kaamyaab raha hai
ek achhee gzl ke liye
m u b a r a k b a a d.

"daanish" bhaarti
Ludhiana (Pb)

heena said...

nice......:)

heena said...

nice.......:)

Shahin said...

wo khwab tha ek khush numa jo tarikiyo me chala gaya...Bahut khub...

Shahin said...

wo khwab tha ek khush numa jo tarikiyo me chala gaya...itni khoob surat gazal ke liye dili mubarakbad ...

Shahin said...

bahut khoob...
wo nahi tariqiyon me chala gaya
Wo to hai rooh me bas gaya...

daanish said...

teri baat ho, teri yaad ho, tere charche karta chala gaya,
tera zikr ke tere baad bhi goya tujh ko mujh se mila gaya.

waah !
phir se haazir hooN aapko padhne ke liye !!

Popular Posts